ஷார்ஜா வந்த தமிழகத்தை சேர்ந்தவரை காணவில்லை : கண்டுபிடித்து தர அவரது மகன் கோரிக்கை

xx

ஷார்ஜா வந்த தமிழகத்தை சேர்ந்தவரை காணவில்லை : கண்டுபிடித்து தர அவரது மகன் கோரிக்கை

ஷார்ஜா : ஷார்ஜா வந்த தமிழகத்தைச் சேர்ந்த பி. காளியப்பனை (வயது 62 ) காணவில்லை. இவர் தமிழகத்தில் வங்கி ஒன்றில் வேலை பார்த்து ஓய்வு பெற்றவர். காணாமல் போன தனது தந்தையை கண்டுபிடித்து தருமாறு அவரது மகன் லக்‌ஷ்மண் கோரிக்கை விடுத்துள்ளார்.

சார்ஜாவில் எடிசலாட் நிறுவனத்தில் தொழில்நுட்ப பணியாளராக லக்‌ஷ்மண் பணிபுரிந்து வருகிறார். இவர் தேனியைச் சேர்ந்தவர். குடும்பத்துடன் வசித்து வரும் இவர் தனது பெற்றோரை விசிட் விசாவில் அழைத்துள்ளார். கடந்த இரண்டு நாட்களுக்கு முன்னர் இவர்கள் சார்ஜா வந்தனர்.

நேற்று முன் தினம் புதன்கிழமை மாலை 6.30 மணிக்கு வீட்டில் இருந்து தனியாக நடைப்பயிற்சி சென்றார். அவரிடம் கைபேசி எதுவும் இல்லை. வெகுநேரமாகியும் அவர் வீடு திரும்பவில்லை. இதனால் குடும்பத்தினர் மிகவும் கவலையடைந்துள்ளனர்.

இது குறித்து சார்ஜா போலீஸ் நிலையத்தில் புகார் தெரிவிக்கப்பட்டுள்ளது. காணாமல் போன காளியப்பன் குறித்த விபரம் தெரிந்தவர்கள் அவரது மகன் லக்‌ஷ்மணனை 056 574 51 61 / 056 549 0814 என்ற எண்ணில் தொடர்பு கொண்டு தெரிவிக்க கேட்டுக் கொள்ளப்படுகிறார்கள்.

Comments

comments

Add Comment